noticias-23
KORRIKA Yukatango maien delegazio batekin bildu da
KORRIKAko eledunak Yukatango maien delegazio batekin bildu dira, esperientziak partekatzeko xedearekin.
Garabide Elkartearen bitartez etorri dira Euskal Herrira. Argi dute maia hizkuntza gutxituaren kontzientzia piztu behar dutela; eta euren hizkuntzari eusteko eta babesteko ekimen bat egin nahi dute. Horregatik bildu nahi izan dute AEK-KORRIKArekin, Euskal Herriak euskararekin duen esperientzia zuzenean ezagutzeko, erakundearen lan egiteko moduaren eta KORRIKAren nondik norakoen berri izateko.
Yukatanen ere HARRO HERRI!!
Emozioen garrantzia euskal kulturaren transmisioan: 23. Korrikaren kasua
Horixe da Mondragon Unibertsitako ikasle Amaia Ruiz Castellanosen Gradu Bukaerako Lanaren izenburua. Atzo aurkezpena egin zuen Kalderapeko Kulturgunean, Ane Elordi, KORRIKA arduradun. Elordi tutore lanetan aritu da.
Lan horretan emozioek hizkuntza minorizatuen aldeko mugimenduetan duten eragina ikertu da, horretarako Korrikaren 23. edizioaren kasu-azterketan zentratuta. Lasterketa herrikoian emozioek duten presentzia aztertu da, bide desberdinak jarraituz: 952 lagunek erantzundako inkesta, antolatzaile eta parte-hartzaileei eginiko elkarrizketak, lasterketak iraun zuen bitartean furgoneta barrutik eginiko behaketa eta horren inguruan sortutako lan dibulgatiboen lanketa. Horrez gain, Korrikaren bilakaera ere aztertu da hein txikiago batean. Landa-lan horren emaitzek erakusten dute emozioen presentzia ekimenaren aurretik, bitartean eta ostean ageri dela eta hori sinbolo desberdinen bitartez erakusten da lasterketan zehar.
Ondoriozta daiteke, Korrikak indar emozional handia duela eta horregatik eta bere baitan dituen sinbolo, elementu eta mekanismo tradizionalengatik dela hain arrakastatsua gaur egun.
HARRO HERRI!
Ekainaren 30era arte egongo da irekita KORRIKAren online denda
KORRIKA materiala eskuratu nahi baduzu, sartu KORRIKAren dendan eta eskuratu! Azken aleak: kamisetak, sudaderak, kapelak, giltzatakoak...
Ekainaren 30ean itxiko dugu. Beraz, azkar ibili!
HARRO HERRI!
Norberaren opera, 23. Korrikarako BERRIAk ekoiztutako dokumentala
AEK-ko hainbat ikasleren testigantzan jasotzen ditu lanak, eta Ines Osinagaren bizipenek eta BADON operako irudiek josten dituzte istorio horiek guztiak.
BERRIAk karrera hasi bezperetan argitaratu zuen dokumentala.
El proyecto KAKA obtiene la II Beca de Creación cultural AEK-KORRIKA
KAKA, de Xanti Agirrezabala y Erika Olaizola, ha recabado la beca. Esta mañana, en la rueda de prensa celebrada en Bilbao, sus creadores/as han ofrecido más datos sobre esta “comedia ganberra y provocadora”. En cuanto a la temática, principalmente girará en torno a los tabúes. Será presentada, como es habitual, dentro del programa cultural de KORRIKA.
KORRIKA 24 ya cuenta con el evento principal en su programación cultural: la obra KAKA. Esta mañana ha sido presentada, en la taberna Bira del Casco Viejo de Bilbao, la ganadora de la II Beca de Creación cultural AEK-KORRIKA. Como ya es conocido, dicha beca selecciona la producción más destacada de KORRIKA Kulturala, para la que dispone de un presupuesto de 23.000 euros. A través de dicho premio, AEK-KORRIKA pretende impulsar las producciones en euskera surgidas del seno de la cultura vasca.
En calidad de representantes de KAKA, Xanti Agirrezabala y Erika Olaizola, protagonistas de la obra, han intervenido en la presentación junto a Ane Elordi, máxima responsable de la carrera en favor de la lengua vasca. Elordi, por su parte, ha realizado un breve balance sobre la obra galardonada en la primera edición de la beca: “Nuestra valoración es muy positiva, puesto que miles de personas se han acercado a ver Badon, un espectáculo totalmente innovador que seguro gozará también de un fructífero recorrido en adelante”.
El tribunal, formado por Lutxo Egia, Gari Garaialde, Izar Mendiguren, Oier Zuñiga y Maia Muruaga, ha mencionado, tal y como ha recalcado Elordi, varias razones para haber designado a KAKA como la ganadora entre los 14 proyectos presentados: se trata de un espectáculo adecuado para toda Euskal Herria, que puede ser entendido tanto por hablantes de la lengua vasca como por aquellos/as que la están aprendiendo; el uso lingüístico reviste gran relevancia, y es un montaje fácilmente amoldable en cuanto a formato, espacio y medios disponibles; por último, todavía es “algo por crear”, aun siendo un trabajo de creación.
Agirrezabala y Olaizola han ofrecido más detalles en relación con la obra. Entre otros, han adelantado que será “ganberra, divertida y provocadora”. Se representará, dentro de la programación de KORRIKA Kulturala, entre noviembre de 2025 y abril de 2026ko en varias localidades de Euskal Herria.
AEK-KORRIKAk Ibilbideari Elkar saria jaso du
AEK-KORRIKAren ordezkariek Ibilbideari Elkar saria jaso dute gaur, Elkar Fundazioko lehendakari Joxemari Sors Bagüesen eta idazkari Jon Jaka Auzmendiren eskutik. Horrela eskertu eta goraipatu du Fundazioak AEK-KORRIKAk egindako lana; aldi berean, “saria bide beretik jarraitzeko akuilu” izatea espero duela adierazi du.
Saria AEK-KORRIKAri zergatik eman dioten azaldu du Jaka Auzmendik, AEKren sorrera Frankismoaren garaian sortu zen euskararen aldeko aldeko mugimendu zabalaren ondorioetako bat izan zela gogoratuz: “Baldintza zailetan, eta ia hutsetik abiatuta, heldu euskaldunak alfabetatzeko eta euskalduntzeko herriz herri sortu ziren gau eskolak koordinatzeko antolatu zen AEK, 70eko hamarkadan, Euskal Herri zabaleko gau eskolak eta euskaltegiak bilduz bere barne”. Halaber, baieztatu du AEKk “instituzioen behar bezalakoa ezagutzarik gabe” aritu behar izan zuela 80ko eta 90eko hamarkadetan: “Lan baldintza egokien gabeziari militantziaz, ilusioz eta ahalik eta profesionaltasun handienarekin erantzun zion AEKk, bere xedea lortzeko ahaleginari uko egin gabe”.
KORRIKAri ere egin dio aipamena Jaka Auzmendik: “Milaka lagun euskaldundu da AEKko euskaltegietan, eta milaka lagun hurbildu da euskarara eta euskararen aldeko ekimenera AEKren lanari esker, tartean 1980tik antolatzen duen KORRIKAren eskutik. Ekarpen handia egiten dio, ez bakarrik helduen euskalduntzeari, baita euskararen normalizazioari ere”. Hala, Korrikaren “indar handiko irudia” azpimarratu du Elkar Fundazioak: “Era guztietako jendea elkarrekin ari da korrika, eta lekukoa eskuz esku pasatzen doa. Irudi horren bidez erakusten da euskaren normalizazioak denon beharra duela, denon artean elkarrengandik hartuz eta elkarri emanez lortuko dugula Euskal Herriko biztanle guztiak euskaraz bizitzea. Hori da AEKren lanak urteotan erakutsi duena, euskararen normalizazioa ezin baita sinplifikatu eta mugatu haurren eremura”.
AEKren eta KORRIKAren izenean, Artezkaritza Kontseiluko Aize Otaño Lizarradek eta KORRIKAren koordinatzaile Ane Elordi Alburquerquek hartu dute hitza, hurrenez hurren. Biek ala biek eskertu dute saria, “euskara eta euskal kulturaren garapena” helburu dutenen eskutikjasotzea“ ohore izugarria” dela adieraziz. Era berean, eskerrak eman dizkiete “AEKren sorreratik erakundean izan diren kide, euskalgintzako bidelagun, eragile, norbanako euskaltzale, ikasle eta gainerako guztiei, eurak guztiak gabe AEKrik ez litzatekeelako. Sari hau guztiona da: izan zirenena, garenona eta izango direnena”. Bestalde, Elordik gaineratu duenez, “denok egiten dugu KORRIKA, denok gara KORRIKA. Ezin jakin zenbat eskuk besarkatu duten lekukoa euskararen alde, baina ehunka mila izan dira, seguru. Eta den-denek egin dute hizkuntza berreskuratzearen aldeko hautua”. “Orain arteko bidetik” jarraituko dutela erantsi du, euskararen aldeko kontzientzia suspertzen: “Sari honek bide hori urratzeko indar handiagoa ematen digu”.
Elkar argitaletxearen Adunako egoitzan egin den sari-emate ekitaldi berean jaso du Joseba Jaka Beka Josu Goikoetxea idazleak. Poesia irakurraldi musikatuarekin amaitu da ospakizuna, Oihane Jaka eta Xabier Zeberioren eskutik.
Jalgi hadi mundura, KORRIKA!
KORRIKAk Euskal Herriko mugak zeharkatzen ditu, munduan zehar hainbat tokitan antolatzen dute euskararen aldeko lasterketa. 23. KORRIKAren mezua 5 kontinenteak eta 55 hiri baino gehiagotan zabaldu da.
Webgunearen orrialde HONETAN bildu ditugu munduko KORRIKA guztiak, baita argazkiak eta bideoak ere.
Eskerrik asko planeta osoan KORRIKAren eta euskararen alde lan egin duten euskaltzaleei. Munduan ere HARRO HERRI!
Una delegación de KORRIKA ha participado en la iniciativa Ar Redadeg
KORRIKA ha corrido un kilometro en la carrera a favor de la lengua bretona.
KORRIKA ha tomado parte en una de sus hermanas pequeñas hoy a la mañana cerca de Nantes. En concreto, ha sido en la iniciativa Ar Redadeg, que se celebra del 17 al 25 de mayo.
La delegación partió ayer desde Euskal Herria, para correr el kilómetro 746. Ambas iniciativas mantienen un estrecho contacto, y al igual que en La Passem, KORRIKA se ha hecho con un kilómetro y ha mostrado su "apoyo y solidaridad" con la carrera por el bretón, como ellos también lo han hecho en la presente edición de KORRIKA.
Como ha explicado Ane Elordi, máxima responsable de KORRIKA, es importante formar una red entre lenguas minorizadas: "Ellos también estuvieron en Baiona, junto con los occitanos, tenemos relación entre los tres, y nuestra intención y reto es que esa red sea cada vez más fuerte, entre otras cosas, para saber cómo actuar frente a las lenguas hegemónicas y formar una estrategia conjunta, por ejemplo".
Badatoz Ar Redadeg eta Sprochrenner Korrika Ahizpak!
Gaur, maiatzak 17, abiatuko da Ar Redadeg ekimena, bretoieraren aldeko Korrika Ahizpa, eta AEK-KORRIKAko kideok ere bertan parte hartuko dugu: maiatzaren 20an, astelehenarekin, Sant-Stefan-Brengoloù / Saint-Étienne-de-Montluc herrian, 746.kilometroan.
Hizkuntza gutxiagotuen aldarrikapena eta biziraupena bermatzeko ezinbesteko ekimenak ditugu KORRIKAren Ahizpak. Baionan, 23.KORRIKAren bukaeran, gure artean La Passem eta Ar Redadegen ordezkariak izan genituen, eta orain, Euskal Herri Harroari dagokio sostegua ematea. Beraz, aukera izanez gero, animatu eta batu Ar Redadegera harrotasunez!
Hilaren 25era bretoieraren aldeko lekuko eskuz esku, eta kilometroz kilometro ibiliko da, Morlaixera iritsi arte.
Era berean, gaur ere Alsazieraren aldeko Sprochrenner ekimenak harrotasunez ekingo dio bere hiru eguneko ibilbideari. Informazio gehiago hemen.
HARRO HERRI!
(AEK-KORRIKAko kideak Redadeg-en parte hartzen, artxiboko irudia)
Etenaldirik ez da
Iritzi-artikulua. Sinatzaileak: Ane Elordi Alburquerque (KORRIKA arduraduna) eta Aize Otaño (AEK-ko Artezkaritza taldeko lehendakaria)
Batzuek 5 eguneko etenaldia behar dute; beste batzuok, ordea, 15, 4 edo/eta 7koa... KORRIKA amaituta, ez da erraza izaten aje emozional zein fisikoa iraultzea. Aurten ere gauza bera gertatu zaigu: 23. KORRIKA bukatu eta egun batzuetako etenaldia egin behar izan dugu gure egunerokoa bere horretara itzul dadin.
Izugarria izan da, inoizko Korrikarik handiena. Irun eta Baiona lotu ditu, 2.792 kilometro egin ditugu eta lekukoak 4.860 eskutan baino gehiagotan izan du habia, eroso bezain harro. Hamaika egunez, ametsetako Euskal Herri euskalduna sortu dugu, elkarrekin bultza eginda. 11.000 laguntzaileren sarea osatu dugu eta, euskararen herritik harago, munduko 50 txokotan baino gehiagotan izan du oihartzuna KORRIKAk. Ozen oihukatu dugu herri harroa garela, euskaraz bizi nahi duena.
Eta orain zer? Galdera hori egiten diogu askok eta askok geure buruari. Atera gara kalera, 10 egun eta 11 gau eman ditugu Euskal Herri osoan zehar aldarri baten lelopean, euskararen alde; eta orain, zer? Zer gehiago egin behar dugu gure asmoak entzunak eta aintzat hartuak izan daitezen? Beste behin ere argi geratu da euskarak gure beharra duela, euskarak ekosistema oso baten beharra duela. Beraz, noizko dira gizartearen arlo oro bustitzeko hizkuntza-politikak? Jakitun baikara politikok ezinbestekoak direla euskarak bere izan dezan ekosistema oso hori...
Garaia da 23. KORRIKAren aldarri horri erantzuna emateko. KORRIKAk batzen gaitu, batu gaitu eta batuko gaitu; Euskal Herriko aniztasun koloretsuaren ispilu izan da, eta guztiok gauza batek eta bakarrak batu gaitu: euskarak. Horregatik, Euskal Herriko instituzio nagusiek ezin dute beste alde batera begiratu, entzungor egin, KORRIKA osteko etenaldiaren ondoren betiko ildoan jarraitu. Oso erosoa da KORRIKAn parte hartzea —egun ezin da inor at geratu, denok izan nahi dugu parte-hartzaile—, baina parte-hartzea aktiboa izan behar da, ezertarako balioko badu. Baldin eta nork bere erantzukizunak bere gain hartzen baditu, gertuago egongo gara euskararekiko konpromisoa betetzetik; bestela, zertarako hau guztia?
KORRIKA ez da soilik euskararen aldeko jai erraldoia, ez: hori baino askoz gehiago da. 43 urte luze daramatzagu euskararen aldeko kontzientzia suspertzen; ehunka mila lagunek hartu dute parte; ekimen babestua eta maitatua da, zalantzarik ez. Eta, oraindik ere, AEKk beharrezko du, biziraun ahal izateko. KORRIKAk kaleak bete ditu, eta orain euskaltegiak betetzea da erronka, ezagutzaren unibertsalizazioa bermatzeko, erabilera astintzeko eta kontzientziazioan egindako urratsei tinko eusteko.
Guk jarraituko dugu KORRIKA antolatzen, euskararen normalizazioan pausoak eman
daitezen aldarrikatzen, euskal komunitatea saretzen. 5 eguneko etena, 15ekoa edo behar bestekoa balia dezagun KORRIKAren herri-gogoak eta indarrak egunerokoan aurrera jarraitzeko. Geuk aurrera segitzen dugu, eta jada bagabiltza 24. KORRIKAren antolaketan. Finean, egiazko etenaldirik ez da.
More...
Korrikatik Euskaraldira, herritarren bultzada euskararen aldeko politikei
Euskaraz hitz egiteko eta bizitzeko aukerak eta baldintzak biderka daitezen, aktibatuta segitzeko dei egin dute Euskalgintzako eragileek.
Euskalgintzako eragile nagusien ordezkariek agerraldia egin dute gaur goizean Baionan. Eguna eta lekua ez dira ausazkoak: KORRIKA bukatu zen toki berean egin dute, 2025eko Euskaraldia hasteko zehazki urtebete falta dela probestuz. Horrela, euskararen aldeko bi ekimen jendetsuenak aldarrikapenez lotu dituzte, hizkuntza-politiketan eta euskararen erabileran jauzi egiteko, bultzada herritar indartsua behar dugula erreibindikatuz.
Agerraldian izan dira euskararen aldeko 30 gizarte erakundetik gora batzen dituen Euskalgintzaren Kontseilua eta euskalgintzako eragile garrantzitsuenen ordezkariak, besteak beste, AEK, Euskaltzaleen Topagunea, Euskal Konfederazioa, Euskal Herriko Ikastolak, Elkar, Berria, Elhuyar, Udako Euskal Unibertsitatea, Euskal Herrian Euskaraz, Maizpide Euskaltegia, Hezten Aisialdi Euskaltzalea, Karmel Aldizkaria, Konkolotx, Biga Bai, Mintzalasai eta Eusko Ikaskuntza.
Idurre Eskisabel Euskalgintzaren Kontseiluko idazkari nagusiak, Ane Elordi AEK-KORRIKAko koordinatzaileak eta Irati Iciar Euskaltzaleen Topaguneko lehendakariak adierazpen bateratu bat irakurri dute, eta besteak beste, honako mezuak zabaldu dituzte:
Idurre Eskisabel: “Herritarren bultzada ezinbestekoa da euskararen normalizazio eta biziberritzeak aurrera egingo badu, baina ez da aski. Euskararen normalizazioan aurrera egingo badugu ezinbestekoa da hizkuntza politiketan jauzi bat egin eta euskararen aldeko politika publiko sendoagoak indarrean jartzea”.
Ane Elordi: “Euskal hiztun izan edo ez izan, harro zabaldu dugu lau haizetara ekosistema bat eraiki behar dugula euskararen bueltan: euskal komunitatea, euskara ardatz duen komunitatea. Euskararentzat etorkizun hobea eraikitzeko adostasun zabala dugu”.
Irati Iciar: “Euskal Herri luze zabalean euskaraz hitz egiteko eta bizitzeko aukerak eta baldintzak biderkatzeko, gizarte aktibazioa eta herritarron indarra ezinbestekoak dira”.
ADIERAZPEN BATERATUA
Orain hilabete pasa, primadera hastearekin batera, milaka lagun bildu ginen hemen bertan, Baionako karriketan, Korrikaren azken urratsekin batera adierazteko euskararekin bat egiten dugula, euskaraz bat garela. Aurreko hamar egunetan beste hamarnaka mila lagunek kurritu zuten Euskal Herri osoa, asmo eta borondate berberez. Milaka lagun horien artean baziren euskaldun eta euskaltzaleak, baziren euskararen jabe ez izan arren hizkuntz berdintasunean sinesten dutenak… Herri harro bat ez ezik, gizarte adostasun zabal bat gorpuztu zen, euskararen normalizazio eta biziberritzearen alde. Beste era batera esanda: euskararen normalizazioan aurrera egitea hizkuntz eskubideetan sakontzea denez, justizia soziala, gizarte kohesioa eta bizikidetza indartzearen alde.
Datorren urteko udaberrian, milaka herritarrek berriro ere adieraziko dute konpromiso bera: Euskaraldiarekin bat eginez euskaraz bizitzearen bizigarritasunean urrats bat emateaz gain, ale bat jarriko dute, erabileran indar eginez, euskararen normalizazio eta biziberritzearen alde.
Dudarik gabe, herritarren borondatea eta bultzada ezinbestekoa da euskararen normalizazio eta biziberritzeak aurrera egingo badu. Baina ez da aski. Euskara hizkuntza minorizatua da, eta, horrenbestez, hiztun komunitate minorizatua gara euskaldunok. Pentsa, gauden hiri honetan bertan, Lapurdi osoan, Baxenafarroa, Zuberoa eta Nafarroa Garaiko eremu handienean bezala, euskarak ez dauka ofizialtasun estatusik, nor izateko gutxieneko zorurik.
Eta, jakina da, gaur egun, gurea bezalako testuinguruetan, politika publiko sendoak direla minorizazio egoerak zuzentzeko ezinbesteko bitartekoa. Hau da, euskararen normalizazio eta biziberritzean aurrera egingo bada ezinbestekoa dela hizkuntz politika sendoak indarrean jartzea. «Arrainak ura, eta euskarak ekosistema osoa», esan zuen Garazi Arrulak hementxe, Korrikaren azken mezuan. Eta segitu: «Hizkuntzaren dimentsio guztiak izan ditzan hiztunak, gizartearen arlo oro busti beharko du hizkuntza-politikak (…) Euskarak hegemonia hartzeaz ari gara».
Esku artean dauzkagun erronkak alimalekoak dira. Oldarraldiaren agerpen hango eta hemengoak, batetik. Munduaren martxa azeleratuak hizkuntza minorizatuei zamatutako zailtasun berriak, bestetik. Ipar Euskal Herrian, adibidez, larrialdi linguistikoaren alarma joa dute jada, eta oroitarazi UNESCOk hizkuntzen erreprodukziorako ezarritako hiztun proportziotik behera direla. Hori zuzendu eta bideratzea da hizkuntz politiketan eman beharreko jauziaren oinarrietako bat.
Euskalgintza askotariko eta zabalak badu adostasunik honen inguruan: euskararen aldeko hizkuntz politikan jauzi bat behar dela erronka horiei erantzungo bazaie; politika publiko sendoagoak behar direla euskararen normalizazioan aurrera egingo bada. Korrika eta Euskaraldia lekuko, herritarren arnasa ere noranzko horretan dator. Baina arestian esan bezala, hori ez da aski. Arrulak hementxe aldarrikatu bezala, «hizkuntzaren auzia politikoa da, eta urgentziazkoa» Beraz, hemendik dei bat agintariei eta hizkuntz politiketan eragin indarra duten eragile politiko guztiei: aintzat har dezatela herritarren bultzada, eta eman ditzatela urrats sendoak euskararen normalizazio eta biziberritzearen alde, eta, horrenbestez, hizkuntz berdintasunaren, justizia sozialaren, gizarte kohesioaren eta bizikidetzaren alde.
Olatu berri bat
Euskarak hegemonia hartzeaz ari gara, euskara erdigunera ekartzeaz. 23. KORRIKAn, Euskal Herri harroa ikusi dugu; oztopo eta traba guztien gainetik euskararekin dugun konpromisoa aldarrikatu dugu. Harro adierazi dugu euskaraz bizi nahi dugula, bagarela nor eta euskarak ematen digula identitate hori, euskal komunitatearen parte egiten gaituela. Euskal hiztun izan ala ez, harro zabaldu dugu lau haizetara ekosistema bat eraiki behar dugula euskararen bueltan: euskal komunitatea, euskara ardatz duen komunitatea.
Euskararentzat etorkizun hobea eraikitzeko adostasun zabala dugu. Eta, aipatu bezala, premiazkoa da euskararen aldeko hizkuntza-politiketan jauzi egitea, euskararen normalizazioaren eta biziberritzearen alde.
Euskal Herri harroaren aldarriari jarraiki, norabide horretan arraunean jarraituko dugu. Euskararen normalizazioa xede, esparru guztietan lan egiten jarraituko dugu, alegia, ezagutzan, erabileran eta sustapenean. Hizkuntza-politiketan eragiten segituko dugu, erakundeen erantzukizuna delako euskaraz bizitzeko hizkuntza-politikak ezartzea eta bermatzea. Jakina, euskalgintzaren adostasun zabalaren adierazle, elkarlanean jarraituko dugu bidea urratzen. Eta horren guztiaren isla dira KORRIKA eta Euskaraldia bezalako ekimenak. Xedetzat dugu euskararen erabileran eta sustapenean eragitea, eta garenaz eta egiten dugunaz harro gaudelako, elkarrekin eta elkarlanean jarraituko dugu euskarak lotzen gaituen Euskal Herri harroa eraikitzen.
Euskal Herri luze zabalean euskaraz hitz egiteko eta bizitzeko aukerak eta baldintzak biderkatzeaz ari gara. Eta horretarako, gizarte aktibazioa eta herritarron indarra ezinbestekoak dira.
Euskararen erabilera erdigunean jarri eta urratsak egiteko tresna eraginkorra da Euskaraldia. Urtebete falta da laugarren edizioa hasteko, 2025eko maiatzaren 15etik 25era izango da, eta Euskaraldiak harro hartu du Korrikaren lekukoa; ehunka lagun buru eta bihotz ari dira lanean Euskaraldia bazter guztiak bustiko dituen olatua izan dadin. Edizio are eraginkorragoa izan dadin nahi dugu, jendeak euskaraz hitz egiteko leku eroso gehiago izan ditzan, kalean euskara gehiago entzun dadin, eta estres linguistikoa ahaztu dezagun 11 egunetan. Euskara biziberrituko bada, erabiliko dugulako izango da. Hiztun komunitateak euskararen alde egin dezakeen ekintzarik erradikalena euskaraz aritzea da; inertzien eta erresistentzien aurrean, korrontearen kontra, euskaraz aritzea. Euskararen aldeko politikei bultzada sendoena, inoren zain egon gabe, ahal bezainbeste euskaraz bizitzea da. Euskaraldian, milaka ahobizi eta belarriprestek gure hizkuntza ohiturak aldatuko ditugu, nork bere inertziak apurtuz, eta konfort eremuetatik mugituz.
Euskarak mugimendua behar du. Norbera dagoen tokitik mugituz, ingurukoak mugitzeko gai gara; eta elkarrekin mugituz, dena mugiarazteko gai. Euskarak mugimendu indartsu bat behar du, herriz herri eta auzoz auzo saretuko dena, eta Euskal Herri osoa artikulatuko duena. Euskarak nazio mailako ekimen masiboak behar ditu, denok batzen eta mugitzen gaituzten olatuak behar ditu, baita itsas korrontea sortuko duten aktibistak ere. Korrontea gizarte osoaren alde, denon alde jarri nahi dugu. Izan ere, aurrez esan bezala, euskararen normalizazioan eta biziberritzean aurrera egitea hizkuntz berdintasunean, justizia sozialean, gizarte kohesioan eta bizikidetzan sakontzea da. Honenbestez, segi dezagun aktibatuta, euskarari eta hizkuntza-politikei behar duten bultzada emateko.
Baionan, 2024ko maiatzaren 15ean
Hizkuntza gutxiagotuen erronka: itzulpenak prest!
23. KORRIKAk hizkuntza-komunitatea eta herri-harrotasuna ekarri nahi ditu lehen lerrora. Hizkuntza gutxituek gero eta erronka handiagoa dute hiztunak zein hitz egiteko espazioak eskuratzeko edo orain artekoei eusteko; horregatik, ezinbestekoa da komunitatearen pertenentzia —identitatea— hizkuntzarekin izaniko gozamenezko bizi-esperientziei lotzea.
Horixe baita Korrika: euskal komunitatearen emozio-leherketa, herri-aldarri alai eta tinkoa; batzuentzat ahalduntze-bidea, askorentzat euskarara hurbiltzeko era. Hizkuntza gutxituek ere prestigioa badutelako, HARRO HERRI.
Mara-Ekin Elektrizitatea operadoreak ekarpena egin dio KORRIKAri; eta zuk?
Mara-Ekin Elektrizitatea Zumaiako Internet/telefonia operadorea da, eta 0 Km-ko zuntza eskaintzen du beste hainbat zerbitzuren artean.
“Lagundu Kultura/kirola” kanpaina abiatu zuten duela hilabete batzuk; horri esker, zuntz alta berri bakoitzeko, 20 euro gordetzen dituzte KORRIKArako, ekarpen gisa.
Keinu handia, herri txiki honen harrotasuna erakusten duena. Mila esker, lagunok!
Zeuk ere, enpresa, erakunde, talde... edo norbanako, KORRIKAren aldeko ekarpena egin nahi baduzu, aukera hauek dituzu:
Transferentzia: ES70 3035 0072 02 0720037810
-
VISA txartelaz gure webgunean: ekarpenak (lotura txertatu)
-
BIZUM bidez: "korrika", "aek", edo "2043" bilatu
Ahalegina egin behar da euskaraz bizitzeko, herriaren gogotik abiatuta. Gu saiatzen ari gara horretarako premiazko babesa biltzen; hori dela-eta, ekarpen ekonomiko eske gatozkizue berriro ere, zeuek ere bat egiten duzuelakoan hizkuntza bultzatzeko helburuarekin.
HARRO HERRI!
Garazi Arrula Ruizen mezua aragoieraz
23.KORRIKAren mezua itzuli dute aragoieraren aldeko Bomboloniar taldeko lagunek. Hizkuntza gutxiagotuen arteko elkartasunak horrelako oparitxoak ekartzen dizkigu. Hemen irakurgai.
Tos prexinaz una KORRIKA, una cursa por e ta l’aragonés?
HARRO HERRI!